Kyk nou net! Dis 'n nuwe jaar en ek is alweer besig met die dieet ding! Haai! Gaan dit nou regtig die storie van my lewe wees?? Een van my heel eerste inskrywings op hierdie blog was oor my gewig en dit is mooitjies 18 maande terug. November maand laas jaar was ek in 'n gesprek oor 'bucket lists" (goed wat mens wil doen voor jy expire!) en al wat ek kon dink wat ek wil doen voordat ek doodgaan is dat ek 40 pond wil verloor. Hoe tragies is dit? As ek 40 pond verloor het en dan doodneerslaat! Ag siestog. Ek gaan wraggies nie vir die res van my lewe aan my gewig verknog wees nie.

So, maats, hierdie jaar gaan ek OPDAAG! Instede van net opsnork, gaan ek begin OPDAAG - nie meer net te wag vir goed om vanself te gebeur nie, maar om die werk te doen om te sorg dat dit gebeur. Ek het immers na die bucket list gesprek van November al 15 pond verloor, en is al baie fikser. My broeke sit losser, en ek kan actually asemhaal in my reenjas! Ek is besig om op te daag! En ek is trots op myself.

Vandag het ek geleer dat dit beter is om te kyk na jou onlangse suksesse as jou oeroue mislukkings!