Druiwe vang

Een van Lydia se gunsteling videos om te kyk toe sy nog klein was is die een waar ek die druiwe probeer vang en dan lag sy vir my. Gister sien ek sy probeer ook so druiwe vang in haar mond, ek moes dit summier op video kry, want dit was so flippen cute! Sy laat my so lekker lag.

Ons het 'n lieflike dag gehad. Woensdae is mos vrouebybelstudie by die kerk. Lydia is nou al so opgewonde om met haar maatjieste speel in die child care dat sy my heelpad kerk toe herinner om haar dadelik by die childcare te gaan drop. Wonderlik die verskil wat 6 maande an maak!

Ons studie vandag het gegaan oor vrees en die oorkoming van vrees. Sjoe, daar was twee vrouens in ons groep wat darem baie diep goed gedeel het. Beide te doen met hulle mans wat drooggemaak het. Een se man het sommer net geloop en haar gelos met hulle 4 jaar en 18 maande kinders en die ander een se man het rondgeloop en nou moet sy besluit of sy hom gaan skei en of sy gaan vergewe en hom terugvat. Ons gesels toe sommer in die bree oor hoe die mans van ons generasie en slap geword het. Die eerste een wat sy vrou en kinders ge-abandon het was 'n youth pastor en die ander een is ook veronderstel om 'n kerkmens te wees. Dis asof hierdie generasie se mans net nie verantwoordelikheid kan hanteer nie en sodra dit lyk of dinge begin woes raak, dan bail hulle uit. En is ook nie eintlik verbasend nie, as jy kyk hoe mans in die media en selfs in die kerk soos bv. huweliksvoorbereidings- en verreikingskursusse uitgebeeld word - as lui, ruggraatlose, lummels wat net op hulle eie gemak gefokus is! En die vrouens weer word as superhero's uitgebeeld wat eintlik nie mans nodig het nie! Dis g'n wonder dat ons generasie se mans geen dink van julleself het nie. Ons het sommer summier as 'n groep besluit om te bid vir ons mans en ons vriende se mans, sodat hierdie ding nie oordra na ons seuns nie!

Sjoe, dit was diep.

Na bybelstudie is ons na pappa toe vir middagete. En vandaar direk na tannie Julie se huis vir 'n playdate vir Lydia en 'n cooking class vir my! Julie is 'n pastry chef met baaaie accoldes onder haar belt(van haar resepte is al gepubliseer!). Sy't vir my en Michelle geleer om chocolate mousse te maak. Maklik, maar tricky! ;o) Natuurlik het dit my dieet nie goed gedoen nie, want ek moes toe die mousse opvreet! Maar darem het ek myne met Lydia gedeel, en ek HET vanoggend Jillian gedoen en ek gaan NOU Denise doen!

Vandag het ek geleer hoe maak mens Chocolate Mousse!